ՖԻՆԱՆՍԱԿԱՆ ՄԱԹԵՄԱՏԻԿԱ
Սույն ուսումնական ձեռնարկը նախատեսված է ֆինանսական մաթեմատիկայի
հիմնական գաղափարների և մեթոդների ուսումնասիրության համար՝ հատուկ
ուշադրություն դարձնելով տոկոսադրույքների տեսությանը և դրա կիրառություններին։ Ձեռնարկի բովանդակությունը կառուցված է այնպես, որ ուսանողներին ծանոթացնի տոկոսադրույքների տեսությանը, դրամական հոսքերի կառավարմանը,
անուիտետների հաշվարկման մեթոդներին, ինչպես նաև ներդրումային նախագծերի
վերլուծությանը։ Բացի այդ, քննարկվում են պարտատոմսերի և բաժնետոմսերի գների հաշվարկման մեթոդները, զուտ ներկա արժեքի և եկամտաբերության ներքին
նորմի որոշման եղանակները, ինչպես նաև Միջին-վարիացիայի պորտֆելային տեսությունը։ Ձեռնարկի բովանդակությունը կառուցված է այնպես, որ ուսանողներին
տրամադրի ինչպես տեսական հիմքեր, այնպես էլ գործնական խնդիրների լուծման
օրինակներ՝ նպաստելով նրանց վերլուծական կարողությունների զարգացմանը։