Հաղթահարել և փոխակերպել. կոնֆլիկտաբանական աշխատանքի ներածություն

Նորվեգացի աշխարհահռչակ գիտնական, կոնֆլիկտաբան Յոհան Գալթունգի հետազոտությունները հակամարտությունների, բանակցությունների և խաղաղության կառուցման հիմնախնդիրների ոլորտում արդեն վաղուց բազմաթիվ գիտական ուղղությունների, միջազգային և ազգային կազմակերպությունների գործունեության, ինչպես նաև այդ հիմնահարցերին նվիրված գիտական աշխատությունների համար ընդունվում են որպես հիմք: Սույն գրքի հայերեն թարգմանությունն ու հրատարակումը Յ. Գալթունգի մտահղացումն էր և իր իսկ առաջարկը, որը հղել էր ԵՊՀ սոցիոլոգիայի ֆակուլտետին: Գիրքը նախատեսված է կոնֆլիկտաբանության, բանակցային արվեստի, խաղաղության հետազոտությունների ոլորտում մասնագիտացած և մասնագիտացող սոցիոլոգների, քաղաքագետների, լրագրողների համար: